பாராட்டு மடல்

        பாராட்டு மடல்

தண்டமிழ் வண்டலை பூங்காடுடை
தென்தமிழ் எல்லை நகர் கோமக்கள்
ஜெயசிங் முத்தாபரணம் மெத்தை மடியில்
சில்லென்று பூத்ததிந்த செந்தாமரை சாந்தி!

கொழுநன் ஞானராஜன் கரம் பற்றியே
கோநகர் மும்பைக்குச்  சீராய்வந்த நற்றமிழே
முழுதாய் இறைவனைத் தொழுதிடும் தெள்ளமுதே
விழுதாய்ப் பிள்ளை இருவர் வாய்த்ததுன் வரமே!

கற்றவர் போற்றிடும் நற்றிணையே
கற்பவர் யாவர்க்கும் உற்ற நற்றுணையே
ஏட்டினுள் அடங்கா மதி உனதே
வீட்டினுள் நறுமலர் நந்தவனம் நீயே!

விண்மகள் பெற்றெடுத்த தண்ணிலவோ
மண்மகள் வாழ்த்துகின்ற பண்ணிசையோ
க(ண்)ணவன் கொண்டாடும் பெண்ணமுதோ
மண்டு குணநலன் கொண்டதுன் விண்ணுயர்வோ!

கற்பனை பெருகும் சொற்று ணையே
சொற்றி றம்பா   நாவறம் கொண்டனையே
தெற்றெதும் காணா வான்மதியே - உன்னை                                          நட்பாய்ப் பெற்றது எம் நற்றவமே!

பிரைட் பள்ளியில்  அறப்பணி ஆண்டு ஐயாறு
பொய்யாது பாய்ந்த பைந்தமிழ்ப் பாலாறு
தொய்யாது நடத்திய சொல்லாறு-என்று
மெய்யாக சொல்லி நிற்கும் தமிழ்வரலாறு!

ஓய்விலும் நின்பணி தொடர்ந்திடல் வேண்டும்
ஓயாது இறைப்பணி இருந்திடல் வேண்டும்
எண்ணும் செயல்கள் கைகூடல் வேண்டும்-பிறர்
நண்ணும் வண்ணம் வாழ்ந்திடல் வேண்டும்!

களிப்புகள் பெருகி செழிப்பினில் திளைத்து
குன்றென புகழ்உனை அணிசெய வேண்டும்
நன்றென நாட்கள் இனித்திட வேண்டும்-காசினி
வந்தனை தந்துனை வாழ்த்திட வேண்டும்!

Comments

Post a Comment

Popular posts from this blog

நோவற்க நொந்தது அறியார்க்கு....

  நோவற்க நொந்தது அறியார்க்கு.... "நோவற்க நொந்தது அறியார்க்கு மேவற்க மென்மை பகைவர் அகத்து"                                  குறள் : 877                                   நோவற்க - துன்பத்தைச் சொல்லாதிருப்பீராக நொந்தது - துன்பப்பட்டது,வருந்தியது அறியார்க்கு- தெரியாதவர்க்கு மேவற்க-  பொருந்தாதிருப்பீராக மென்மை - வலியின்மை பகைவர்- எதிரிகள் அகத்து- உணரும்படியாக துன்பம் அறியா நண்பர்களிடம்  துன்பத்தைப்பற்றிச் சொல்லக்கூடாது. நம் பலவீனத்தைப் பகைவர் உணரும்படி  நடந்து கொள்ளக்கூடாது. விளக்கம் : துன்பத்தைப் பற்றி அறியாதவனிடம் நம் துன்பத்தைப் பற்றிப் பேசினால் அவனுக்கு அந்தத் துன்பத்தின் வலியைப் புரிந்து கொள்ள முடியாது. பசியே அறியாதவனிடம் பசியைப் பற்றிப் பேசினால் பசியின் கொடுமையை அவனால் எப்படி புரிந்துகொள்ள முடியும்? பட்டவனுக்குத்தான் தெரியும் நோவும் அதனால் ஏற்படும் மன உளைச்சலும் வலியும்.  துன்பம் என்பதைச் சரியா...
Read more

அம்மா நீ எனக்கு வேண்டும்

  அம்மா நீ எனக்கு வேண்டும்       அம்மா நீ எனக்கு வேண்டும் அனுதினமும் உன் தோளில் சாய்ந்து  ஆறுதல் நான் அடைந்திட வேண்டும். அம்மா உன் அன்பு வேண்டும் நீ மட்டுமே எனக்குவேண்டும் உன் மடியில் சாய்ந்து வானிலவை அழைத்திட வேண்டும் கண்சிமிட்டும் தாரகையோடு கதை ஆயிரம் பேசிட வேண்டும் உன் முகம் பார்த்து ஊர்க்கதைகள் பேசிட வேண்டும் உன் மார்பில் சாய்ந்து  உலகமெல்லாம் சுற்றிட வேண்டும் உன் கையால் என் தலையை மெல்ல நீ கோதிட வேண்டும் பெத்தவள் நீ எனக்கு பேரு சொல்லித் தர வேண்டும் பொய்யான வார்த்தை பேசி நெய்ச்சோறு ஊட்ட வேண்டும் நித்தம் நித்தம் உன் மடியில் தலை சாய்த்து கிடந்திட வேண்டும்  சத்தமில்லா முத்தம் தந்து கன்னத்தை கன்னிட வைத்தல் வேண்டும் முற்றம் எங்கும் உன்னோடு குறுநடை நடந்திட வேண்டும்    சோர்வு வந்திடும்போதும்  துயரங்கள் துரத்தும்போதும்  அம்மா உன் தோள் எனக்கு ஆறுதலாய் இருந்திடல் வேண்டும்   விரல்களால் நம்பிக்கை வார்த்தை    என் முதுகில் நீ எழுதிட வேண்டும் வீதிவீதியாய் அம்மா உன் கரம் பற்றி ஆனந்த நடை போட வேண்டும் அம்மா நீ எனக்கு வேண்டும்...
Read more

பயணங்கள் முடிவதில்லை

பயணங்கள் முடிவதில்லை செல்லடுவு அந்த வட்டாரத்தில் பிரபலமான   பெண்.     எந்த ஊரில் திருவிழா என்றாலும் டாண் என்று      முதல் ஆளாக வந்து நிற்பாள்.      திருவிழா என்றாலே வீட்டுக்கு வீடு       செல்லடுவு வந்தாளா? செல்லடுவு வந்தாளா?       என்ற கேள்விதான் அடிக்கடி கேட்கும்.           " செல்லடுவுக்கு சாப்பாடு கொடுத்தீர்களா?...      செல்லடுவுக்கு காப்பி கொடுத்தீர்களா? "     கேட்ட பின்னர்தான் எல்லா வீட்டிலும் உள்ள      ஆண்களும் சாப்பிடவே உட்காருவர்.          அந்த அளவுக்கு அனைவர் மனதிலும்      இடம் பிடித்திருந்தார் செல்லடுவு.     வீட்டுக்கு வீடு ஓடி ஓடி வேலை செய்வாள்.     ஒரு வீட்டுல வேலை செய்தாயிற்றே      சற்று ஓய்வெடுப்போம் என்று      ஒருபோதும் நினைப்பதில்லை.          "கீழத்தெரு அண்ணன் வீட்டில் கூப்பிட்டாகள...     .வடக்குத...
Read more